Mezuak

Informazio Orokorra

Gaur egun bizitzen gagozan egoera berezi honeri erantzuna emoteko Begoñazpi Ikastola Orientazio Saiatik honako bloga sortzea erabaki dogu.  Gure blog honetan, baliabide ezbardinak topatuko dozuez -azalpenak, argazkiak, bideoak, abestiak, etab.- sortu daitezkeen arazo edo zailtasunei erantzuna emoteko. Blogean topatu daitekezan orrialde eta etiketa ezbardinekaz momentuan behar dozun materiala topatu ahalko dozue. Bloga orrialde ezbardinetan banatuta egongo da. Orrialde bakoitzak etapa bateri egingo deutso erreferentzia eta honako informazio hau eukiko dau: -        HH: gure txikitxoei honako material honek eskeini nahi deutseguz: o    Irakurketa materialak o    Matematika eta zenbakikuntza o    Psikomotrizitatea o    Lasaitasun txokoa o    Autonomia garatzen -        LH: orrialde honetan honako gaiak jorratuko dira: o    Irakurketa eta ulermena o    Matematika eta zenbakikuntza o    Ingelera o    Lasaitasun txokoa o    Psikomotrizitatea o    Auton

Urriaren14a, Ikusmenaren Munduko Eguna

Irudia
 Urriaren14a, Ikusmenaren Munduko Eguna 2000. urtetik hona, urtero ospatu da Ikusmenaren Eguna urriaren bigarren eguenean. Osasunaren Mundu Erakundeak (OME) ezarri eban egun honen helburua, ikusmenaren arazo, terapia eta itsu geratzeko arriskua daben gaisotasunen barri emon eta honeetaz kontzientzia hartzea izango da. Osasunaren Mundu Erakundearen datuak kontuan hartzen badoguz, munduan ikusmen ezgaitasunen bat daben 180 milioi lagun dagoz eta horreetatik 40 eta 45 milioi guztiz itsuak dira. Aurtengo gaiak, “Love your eyes”, begiekiko maitasuna, honeen osasuna eta honeek osasun zein emozioen barri emoteak dauan garrantzia izango dau xede nagusi. Ikusmena izateko eskubidea danok izan beharko geunkela aldarrikatu gura dabe zenbait erakundek, gizartean autonomo izateko oso garrantzitsua dan zentzumena da eta. Begoñazpi Ikastolak Ikusmenaren Munduko Egunari dauan garrantzia emon gura deutso, babesa eta alkartasuna adieraziz. Era berean, Ikusmenaren Eguna sustatu eta ikusmenaren osasunaren

osasun mentalaren nazioarteko eguna

Irudia
 Osasun Mentalaren Nazioarteko Eguna Osasun Mentalaren Nazioarteko federazioak urriaren 10a ezarri eban Osasun Mentalaren Nazioarteko Eguna. Horregaitik, ba, egun hau domekan ospatuko dogu mundu guztian. Egun honen helburua munduan trastorno mental larriak jasaten dabezan pertsonentzat estrategiak sortzea izango da, laguntza emonez eta ahal dan neurrian, sendatzea lortuz, gaixotasunagaz hobeto bizitzea lortu beharko dogu eta. 2021eko leloa “izan daigun guztiok osasun mentalarenganako arreta”. Aurten, mundu mailan osasun mentalean, diru-ezarketak dauan garrantziaz kontzientziatzea izango dogu xede. Beti be, osasun publikoak osasun mentalari kasu gitxien egiten deutson arloa dala jakinik. Mundu mailako arazo larria izan eta jende askori eragiten deutson arren, ez dago osasun mentalerako kalitatezko zerbitzu publikorik Begoñazpi Ikastolak be bat egingo dau ospakizunarekin. Sarritan, ezinbestekoa dan osasun mentalari ez jako behar dauan garrantzia emoten. Izan be, edonork edonoiz jasan dai

dislexiaren mundu eguna

Irudia
 Dislexiaren Mundu Eguna Dakizuenez, Dislexiaren Nazioarteko Eguna, urriaren 8an ospatzen da. Eskola garaian dagozan umeek pairatzen daben trastornorik ohikoena dislexia izaten da. Osasunaren Mundu Erakundearen arabera (OME), munduko biztanleen % 10i eragiten deutso, beraz, gizartea honetaz jabetzea eta kontzientziatzea izango dogu xede. Dislexia, ikasketaren trastorno zehatza da, jatorria neurobiologikoa danez, sarritan izaten da herentziazko gaisotasuna. Trastorno honek oinarrizko eta beharrezkoak diran hainbat arlotan dau eragina, esaterako, irakurmenean eta idazmenean. Gainera, aurrekoaren ondorioz, eskola adinean dagozan ikasleengan eragin handia izango dau, nagusien kasuan, ordea, lan jardueran izan daike eragina. Hiru dislexia mota ematen dagoz: · Dislexia fonologikoa: ezezagunak diran berbak irakurtzeko orduan , berbak moldatzean datza. · Azaleko dislexia: gehienetan umeek jasaten dabe, ezezagunak diran berbak eraldatzean eta irakurtzeko zailtasunak izatean datza. · Dislexia mi

indarkeriarik gabeko nazioarteko eguna

Irudia
  Indarkeriarik Gabeko Nazioarteko Eguna Nazio Batuen Erakundeak (NBE), urriaren 2a Indarkeriaren Aurkako Nazioarteko Eguna izendatu eban. Egun hau Mahatma Gandhiren omenean ezarri zan, bera izan baitzan indarkeriarik gabeko mugimendu baten oinarrituta, Indiaren indepentzia lortu ebana. Gandhik hauxe esaten eban: “ Indarkeriarik gabeko mugimendua da munduan dagoan indarrik handiena, hau gizakiaren irudimenak sortu daikean armarik boteretsuena baino indartsuagoa da”. Egun honen helburua munduan tolerantzia, ulermena eta bakea aldarrikatzea da. Izan be, munduan 1,6 milioi pertsona hiltzen da urtero hainbat indarkeria eraso jasanik, besteak beste, arrazakeria, generoa, erligioa edota homofobia kasuak baita indarkeria kriminala pairaturik be. Dana dala, indarkeria kasu honeek ez dira hildakoak bakarrik izango, bortxaketak, jazarpenak, hitzezko erasoak… be indarkeria izango baitira. Indarkeriak, azken aldian, itzelezko gorakada izan dau gizartean. Egun, munduan heziketa handiagoa bada be, t

Irailaren 26a, Gorren Nazioarteko Eguna

Irudia
  Irailaren 26a, Gorren Na zioarteko Eguna Pertsona Gorren Nazioarteko Federazioak, iraileko azken domeka Gorren Nazioarteko Eguna izendatu eban. Egun honen helburu nagusia,   gizartean sentsibilizazioa sortzea eta pertsona gorren beharrizanak salatzea da, azken baten, pertsona gorren inklusioa lortu nahi baita. Espainian, aldiz, egun hau, iraileko azken bariku edota zapatuan ospatzen da maiz. Egun honen xede nagusienetako bat, entzumen arazoak dabezan pertsonei   arazoa ahalik eta arinen antzematea da, batez be hipoakusia (entzumen galera) dabenen kasuan. Horretarako hainbat programa sortu eta martxan jartzea proposatzen dabe, haurren diagnostikoak arinago egin daitezan   eta medikuek sendabidea zein neurriak hartzeko gaitasuna izan dagien. Munduan 466 milioi pertsonak dau entzumen-urritasunen bat, honeetako askok ez dau sendatzerik baina ikerketek dinoenez, diagnostiko arin bat eginez gero, kasuen % 60 osatuko litzateke. Begoñazpi ikastolak, egun honegaz bat egin nahi dau. En

Bakearen Nazioarteko Eguna

Irudia
 https://www.youtube.com/watch?v=T-1_K749Nic Irailaren 21a, Bakearen Nazioarteko Eguna 1981. urtean erabaki eban Nazioarteko Batasun Elkarteak (NBE) egun hau izango zala Bakearen Nazioarteko Eguna. Egun honetan, nazio eta herri bakoitzeko bakearen idealak ospatuko dira batez be, gizarte garapenean eta garapen ekonomikoan bultzakada sartu nahian. Honeexek dira hainbat arlotan landu beharreko eremuak: pobrezia, heziketa, osasuna, elikadura, klima-aldaketa... 2001. urtean Batzar Nagusiak, indarkeria gabeko eguna eta erasoak gelditzeko eguna ezarri eban. Egun hau giza eskubideen adierazpenean oinarrituta dago, hain zuzen be, hirugarren artikuluan hauxe diño: “guztiok dogu bizitzeko, askatasunerako eta segurtasunerako eskubidea,” bide batez,munduan askatasun, justizia eta bakerako oinarriak ezarriz. Begoñazpi Ikastolak egun honekin bat egiten dau, izan be, garai honetan bakean bizitzeko eskubidea ezinbestekoa danez, mundu osoan aldarrikatu nahi dogu. Munduko hainbat lekutan bakeak egia bila

Erasoen Biktima diran Ume Errugabeen Nazioarteko Eguna

Irudia
  Erasoen Biktima diran Ume Errugabeen Nazioarteko Eguna Bagilaren 4an, Erasoen Biktima diran Ume Errrugabeen Nazioarteko Eguna ospatuko dogu. Nazio Batuen Batzar Nagusiak (NBE) ezarritako data honek, guda egoeran zein eten bako gatazkan bizi diran umeak babestea dau helburu. Egoera honeen aurrean umeak izaten diranez kaltebereenak, eraso fisiko, psikologiko eta emozionalak jasotzen dabez. Horregaitik, egun honen azken xedea, umeentzako babestutako leku bat sortzea izango da, umeak, guda eta gatazkek eragin daikien sufrimendu eta kalte barik hazi eta heldu daitezan. 1982ko abuztuan, Palestinak bizi eban egoera zala eta, larrialdi-saioetan Nazio Batuen Batzar Nagusiak, Israelek Palestinako eta Libanoko umeei egindako erasoak salatzeko eta kaltea zein mina arintzeko zeozer egin behar ebalakoan egoanez, egun hau sortzea eta ospatzea erabaki eban. UNICEFen datuen arabera, 230 milioi ume baino gehiago bizi dira guda eta gatazka armatuak dagozan lurraldeetan. Honek, munduko hamar umetatik ba

Homofobia, Transfobia eta Bifobiaren Nazioarteko Eguna

Irudia
 Homofobia, Transfobia eta Bifobiaren Nazioarteko Eguna Urtero ospatzen da maiatzaren 17an Hohomofobia, Transfobia eta Bifobiaren Aurkako Nazioarteko Eguna. Egun honen helburua, pertsona honeek lehenespen sexual ezbardina izateagaitik, hau da, homosexuala, transexuala, bisexuala edota lesbiana izateagaitik jasotzen daben diskriminazioa salatzea da. Aurtengo kanpainaren leloa hauxe da : “alkarrekin: eusten, laguntzen, osatzen!”. Homofobia berba, pertsonek jasaten daben diskriminazioari edota errefusari esaten jako, euren lehenespen sexuala gizarteak edota erlijioak ezarri dauanetik urrun dagoalako. Bestalde, transfobia edota bifobia berbek, pertsona batzuek transgeneroekiko, hots, bisexual deitutakoei beldurra edota onarpen eza esan nahi dabe. Hau da, ohiko generora egokitzen ez diranekikoa Gizarte mailan homosexualitategaz erkatuz, bai transexualitatea, bai bisexualitatea gitxiago onartzen da. Gainera, honek guztiak, pertsona honeei sufrimendua eragin eta zoritxarreko bizitza ekarriko

Alkarrizketarako eta Garapenerako Kultura-Aniztasunaren Eguna

Irudia
  Alkarrizketarako eta Garapenerako Kultura-Aniztasunaren Eguna 2003.urtean, Nazio Batuen Batzar Nagusiak (NBE) alkarrizketarako eta garapenerako Kultura-Aniztasunaren Eguna urtero ospatzea proposatu eban. Honen helburua kultura ezbardinen artean, aniztasuna, alkarrizketa, inklusioa eta alkarlana sustatzea zan. Hainbat adierazpen dago kultura-aniztasuna nabarmendu eta aldarrikatzeko, besteak beste, erlijio sinesmena, musika, hizkuntza, artea, lana zein edozein jarduera. Izan be, gizakiok, komunitate, gizarte zein herrialde garan aldetik, geure kultura erakutsi eta adieraziko dogu. Barrikuntza, sormen eta onarpena dauan aniztasun honek, beste arlo askotan haztea be ahalbidetuko deusku. Aniztasun ezak, ostera, itzelezko gatazkak eragingo deuskuz, gizakion ongizatea eta duintasuna kolokan jarriz. Horregaitik ba,Begoñazpi Ikastolak Kultura-Aniztasunaren Eguna ospatzeari berebiziko garrantzia emongo deutso. Mundu globalizatu honetan, bizi dogun aniztasuna gero eta nabariagoa da eta. Aniztas

Ospitalizatutako Umeen Nazioarteko Eguna

Irudia
 Ospitalizatutako Umeen Nazioarteko Eguna 2015ean hasita, maiatzaren 13a Ospitalizatutako Umeen Nazioarteko Eguna da. Egun honetan, adoretsu bezain ausartak diran umeak dira protagonista, bidez batez, honeen guraso zein eurekin lan egiten daben profesionalak be omenduz. Besteak beste, ume honeek ospitalean egoten diran bitartean entretenitu eta eurekaz lan egitea helburu izaten daben erakundeak eta lagunak. Egun hau ospatzea, Espainiako minbizia daben Gurasoen Federazioaren, hau osatzen daben hogeita bat erakunderen eta beste hainbat erakunderen idea eta xedea izan zan. 1986an Europako parlamentuak Ospitalizatutako Umearen Eskubideen gutuna onartu ebanean erabaki zan egun horretatik aurrera, maiatzaren 13a izango zala ebatzitakoa lantzeko eta aurrera eroateko eguna. Begoñazpi ikastolak be bat egiten dau ospakizun honegaz eta egun honen garrantzia azpimarratzeko, alkartasun adierazpena erakutsi gura deutsegu, batez be ume, familia zein eurekaz lan egiten daben profesionalei. Arrazoiak a

Bullying eta Eskola Jazarpenaren Aurkako Nazioarteko Eguna

Irudia
 Bullying eta Eskola Jazarpenaren Aurkako Nazioarteko Eguna Dakizuenez, maiatzaren 2an Bullying eta Eskola Jazarpenaren Aurkako Nazioarteko Eguna ospatzen da. Egunaren helburua, mundu mailan ume zein gazteek jasaten daben bullying eta eskola-jazarpenaz kontzientzia hartzeaz gain, hainbat tresna sortzea be izango da. Arrisku honetaz kontzientzia hartzea eta hainbat metodologia sortzea xede izanik, zenbait gobernuz kanpoko erakundek eta guraso alkartek hautatu eben data hau. Azken baten, eskolatan sortutako indarkeriari aurre egitea eta protokoloak sortzea gura eben. Ikurtzat, purpura koloreko lazua hartu eben. Bullyinga edo eskola-jazarpena beste pertsona bati, une batez zein luzaroan, min edota kaltea eragitea izango da. Erasotzeko modu hau pertsona batek edota gehiagok bere bardinakaz eragin daike, denboran luzatuz gainera. Erasotutako pertsonak mehatxuak, intimidazioa, manipulazioak edota eraso fisikoak jasan ahalko dauz. Hori dala eta, Begoñazpi ikastolak egun honekin bat egingo dau

Ahotsaren nazioarteko eguna

Irudia
Ahotsaren Nazioarteko Eguna Dakizuenez, apirilaren 16an ospatuko da Ahotsaren Nazioarteko Eguna. Egun honetan, munduan bizi garenok ahotsaren eta hau zaintzeak dauan garrantzia azpimarratu eta aldarrikatu gura da. Ahotsa da komunikatzeko erabiltzen dan tresnarik garrantzitsuena, baita emozioak zein pentsamenduak partekatzeko be. Gainontzeko pertsonekin hartu-emonetan jartzeko nahiz komunikatzeko be baliogarria da. Gaurko munduan, pertsona askok jasaten dauz ahotsagaz zerikusia daben arazoak, besteak beste, erretzaileek eta lan egiteko ahotsa ezinbesteko dabenek. Begoñazpi Ikastolak egun honi dauan garrantzia adierazi gura deutso. Beraz, gure alkartasun adierazpena emon eta zabaldu nahi dogu. Izan be, ahotsa da hezkuntza-langileon tresnarik erabilgarri, adierazgarri eta garrantzitsuena. Horregaitik, ba, zaindu daigun ahotsa eta ahots-ezgaitasunen bat dabenen alde jokatu daigun!  Día mundial de la voz El Día Mundial de la voz, se celebra el 16 de abril con el objetivo de crear conciencia

Osasunaren Nazioarteko Eguna

Irudia
  Osasunaren Nazioarteko Eguna Urtero ospatzen da apirilaren 7an Osasunaren Nazioarteko Eguna. Data honek Munduko Osasun Erakundea sortu zan egunarekin bat egiten dau. 1950ean sortutako egun honetan, nazioarteko osasunari eta egunerokotasunari buruzko hainbat gai lantzen dira.. Aurtengo leloa hauxe da: “mundu justuagoa eta osasuntsuagoa eraikitzen” Osasunaren Mundu Erakundeak (OME), Nazioen Batasunak sortutako osasun erakundea danez, nazioarteko osasuna landuko dau. OMEk dauan konstituzioa NBEan parte hartzen daben herrialde guztiek sinatzeko aukera izan ebenean, nazioarteko osasuna sustatzeko konpromisoa hartu eben herrialde guztiek. Egindako lanari esker, adibidez, baztanga kasuak gitxituz eta desagertuz joan ziran. Honen ondorioz, beste gaixtotasun batzuetan jarri eben arreta, batez be tuberkulosia eta HIESaren transmisioan. COVID 19ak agerian itzi dauan moduan, hainbat pertsonak bizitza osasuntsuagoa bizi dabe eta osasun zerbitzuetara heltzean, aurretik heltzen zirenean baino hobet

Autismoaz kontzientziatzeko Nazioarteko Eguna

Irudia
 Autismoaz kontzientziatzeko Nazioarteko Eguna Apirilaren 2an ospatuko da Autismoaren Nazioarteko Eguna, edo Autismoaz Kontzientziatzeko Nazioarteko Eguna. Nazio Batuen batzar nagusian, TEAri eskainitzeko 2007an sortutako egun hau, autismoari buruzko eztabaidak sortzeko zein gaian hezitzeko izan zan. Modu honetan sortu eban Nazio Batuen Erakundeak (NBE) herrialde guztiei barne hausnarketa egiteko eta erabakiak hartzeko eguna,hau da, autismoa daben pertsonen eskubideak bermatzeko eta hainbat tratamendu eta terapia sortzeko. Azken baten, pertsona honeen bizi-egoera hobetzea eta aukera berak izatea bermatu behar eta nahi da. Autismoaren Egunak dauan helburu nagusiena da, guraso,familia eta orokorrean gizarteari zuzendutako hainbat jarduera-plan zein heziketa-plan sortzea da.Danok izan behar dogu gaiari buruzko barri gehiago eta. Izan be, trastorno hau ulertzeko eta tratatzeko, heziketa da baliabiderik sendoena. Begoñazpi Ikastolak be, erakundea izanik, Egunagaz bat egin eta adostasun adie

DOWN SINDROMEAREN NAZIOARTEKO EGUNA

Irudia
  DOWN SINDROMEAREN NAZIOARTEKO EGUNA Dakizuenez, martiaren 21a da Down Sindromearen Nazioarteko Eguna. Data hau Nazio Batuen Erakundeak proposatu eban 2012an. Gizartea Down sindromeaz sensibilizatzeko zein gaian aditu eta hezitzeko, egun honek helburu zehatzak ebazan, besteak beste, eztabaidak sortzea eta hezkuntza zein gizarte-politika sustatzea. Down Sindromearen Nazioarteko Egunaren helburu nagusia hauxe da: bai sindrome hau dabenek egunero izaten dabezan erronkei zelan aurre egiten deutsen gizarteari erakustea, bai eurek dabezan beharrizanak kontuan hartuz, bizitza normala izan dagien, eskubidea izatea. Era berean, egun honek, Down sindromea dabenek ahal dan neurrian bizitza egokia izan dagien bermatzeko eta gizarte-erakundeei lagun honeek hurreratu eta integratzeko, hezkuntza-kanpaina gehiago sortzeko deia be egingo deutse. Begoñazpi ikastolak, gizartean zein Ikastolan egunak dauan garrantzia nabarmendu gura dauanez, ekimenagaz bat egingo dau. Día mundial del síndrome de Down El

Emakumeen nazioarteko eguna

Irudia
  Esateko gutxi eta egiteko asko  /// Poco que decir y mucho por hacer 

kokleako inplantearen nazioarteko eguna

Irudia
  Kokleako Inplantearen Nazioarteko Eguna Dakizuenez, zezeilaren 25a Kokleako Inplantearen Nazioarteko Eguna da. Bizi dogun Covid-19ak sortarazitako pandemiak mundua goitik behera aldatu dau. Ahaztu ezingo dogun urte luze bezain gogor honetan, bizitzeko ohiturak, hartu-emonak … eraldatu egin behar izan doguz. Guztiok jasan behar izan dogun egoera izan da hau. Horregaitik aurtengo ikurra maskara izango da. Inguruan izan doguzan aldaketak guztiontzat oso nabarmenak   izan badira, zer esanik ez, entzuteko desgaitasuna daben pertsonentzat. Egoera honek, komunikazioa oztopatzen daben hainbat arazo sortu dau eta nabariena,   maskara jantzi behar izatearenaizan da (   osasun egoera kontuan izanda, beharrezkoa eta   justifikatua). Maskara gehienak opakuak izaten dira, beraz, ezpainak irakurtzeko zailtasuna areagotu egingo dabe. Egoera honeek, entzuteko desgaitasuna daben pertsonei asko sufriarazi deutsiela gogoratu behar dogu. Hortaz, lagun honeen egoera eta izaten dabezan oztopoak kontu

Asperger Sindromearen Nazioarteko Eguna

Irudia
  Asperger Sindromearen Nazioarteko Eguna Egutegietan, Asperger Sindromearen Nazioarteko Eguna, zezeliaren 18an agertuko jaku. Egun hau, 2007an ospatu zan lehenengoz, beraz, data esanguratsu hau labatik atera barria da. Egun honek, 1943an sindromea lehengoz deskribatu eban Hans Asperger, psikiatra austriarraren jaiotza-datarekin bat egiten dau. Beraz, zezeilaren 18an hainbat jarduera antolatzen dira mundua zabalean, gizartea autismo mota honetaz sentsibilizatzeko zein pairatzen dabenei biziimodu hobea eskaini edota egiteko,. Hori dala eta, lagun honeek eta familiek behar daben laguntza bermatzeko, kolektiboaren lana ezeze, honen beharrizanak eta gaitasuna be aldarrikatu, agertu nahiz zabalduko dira. Asperger sindromea gehien bat, gertaerak ulertzeko momentuan eta ahozko zein ahozko ez diran hainbat arlotan antzemango da.. Sindrome honek batez be, hizkuntzan, komunikazioan eta besteekiko hartu-emonetan eragingo dau. Azken baten, adimen-kozientea normala dan autista-espektroaren nahasmen

Minbiziaren aurkako Nazioarteko Eguna 2021; “Neu naz eta egingo dot”

Irudia
 Minbiziaren aurkako Nazioarteko Eguna 2021; “Neu naz eta egingo dot” Neu naz eta egingo dot lelopean, urtero bezala, zezeilaren 4an munduan Minbiziaren aurkako Nazioarteko Eguna izango dogu. Gaixotasun hau ikerketei esker gero eta kontrolatuago badago be, oraindio, urtero, hamaika laguni eragiten deutsa. Hori dala eta, bihar ospakizun eguna izango dogu. Gaur egun mundu mailan minbizia da heriotza gehien eragiten dauan eritasunetako bat. Dana dala, gaixotasunari aurre egiteko bai antzematean, bai tratamenduan, gero eta aurrerapauso gehiago emoten dala nabarmendu behar dogu. Baina aurrerapen honeek emon arren, guztiz garrantzitsutzat jotzen dogu gizakiok, arriskuak ekidin zein murrizteko, arriskuez jabetzea eta osasuntsua dan bizimodua izatea. Horregaitik, Ikastolak egun honi dauan garrantzia emon gura deutso, gizarteari hainbeste kalte eta gainditzea hain gatx egiten jakon gaixotasuna aldarrikatuz. Gaixotasun hau, guztiok hartu, sentitu, izan edota izango dogu, arinago edo beranduago,

Pentsamendu Baikorra

Irudia
  Pentsamendu baikorraren garrantzia Pentsamendu baikorrak ez dau errealitatea ikusten ez dogula esan gura, ezta gertaera gatxak ikusten ez doguzala be. Pentsamendu baikorrak, egoera gatxei baikor eta egoki aurre egiten deutsegula esan nahiko dau, hau da, onena gertatuko dala uste izango dogu,  ez txarrena. Pentsamendu baikorra, normalean, barne alkarrizketagaz hasiko da. Barne alkarrizketa hau, burmuinetik etengabe pasatzen diran pentsamenduek eta ideiek osotuko dabe. Dakigunez, pentsamendu automatiko honeek, baikorrak edo ezkorrak izan daitekez. Barne alkarrizketa honen zati bat, logikatik zein arrazoitik etorri daiteke eta beste atal bat, informazio faltagaitik, uste dogun ideia desegokiengaitik.    Hainbat ikerketak erakutsi deuskuenez, baikortasuna edo ezkortasuna bezalako nortasunaren zenbait arlok, zerikusi handia dabe osasunean zein pertsonen ongizatean. Baikortasunarekin bat datorren pentsamendu positiboa, ezinbestekoa izango da estresaren kudeaketan, osasunari onurak ekarriko

2021

Irudia
  2021erako helburua Amaitu barri dogun 2020 urtea,   berezia baino bereziagoa izan da, aldaketa ugariduna. Covid 19ak, bizitza ohiturak zein hartu-emonak izateko moduak aldarazi deuskuz. Horretaz gain, teknologiaren kudeaketa, nahiz edukiak lantzeko beste modu batzuk nahiz metodologia ezbardinak be ekarri deuskuz. Hori dala eta,   Ikastolan lantzen doguna ezezik, lantzeko modua be asko aldatu da. Beraz, betiko moduan lan eginez gero, ezin izango deutsogunez egoerari aurre egin,   geuk be aldatu eta egokitu beharra izan dogu.   Orientazio sailak be egokitu behar izan dau, jakina. 2021 urtea indarbarrituta   hasi dogu. Sarritan lan egiteko erabiliko doguzan metodoak, barriak izango dira, beste batzuetan, ostera, erabilgarri eta baliogarri badira, betiko metodoak edo moduak erabiliko doguz.   Beraz, aipatutako guztiagaitik    orientazio sailetik gogotsu ekingo deutsogu lanari, baikorrak izan behar dogulakoan gagoz eta. Gogoratu, egoera barri hau oso gatxa   izan dala   eta dala guz

Giza eskubideen eguna

Irudia
  Giza Eskubideen Eguna Abenduaren 10a Giza Eskubideen Eguna da. Horregaitik da egun hau, munduko gizaki guztiok doguzan eskubideak aldarrikatzeko eta ospatzeko eguna. Beraz, egun honen helburu nagusia, guztiontzako eskubideak defendatzea eta bermatzea izango da. Giza Eskubideen Eguna, 1950ean NBEk sortu eban giza eskubideen mundu mailako deklarazioan. Hortaz, eskubide honeek, arraza, erlijioa, maila soziala, herritartasuna… kontuan izan barik, guztiok izan behar doguzan eskubideak dira. Dana dala, oraindik orain, munduko herrialde guztietan ez dira giza eskubideak bermatzen, besteak beste, hirugarren munduko hainbat lurraldetan giza eskubideak errespetatu be ez dira egiten. Gainera, bertako herritarrek askotan, beste toki batzuetako herritarrek baino bizi-baldintza txarragoak izaten dabez. Izan be, maiz lagun honeen bizi-baldintzak lehen munduko lurralde zein enpresen erantzukizun izaten dira. Beraz, giza eskubideak beteko balira, ez litzatekela holango egoerarik gertatuko azpima

Nazioarteko ezgaitasunaren eguna

Irudia
 Nazioarteko ezgaitasunaren eguna Abenduaren 3an, Ezgaitasunaren Nazioarteko Eguna ospatzen da. Munduan ezgaitasuna daben pertsona asko dago. Aipatu beharra dago ezgaitasun mota asko dagoala, besteak beste, ezgaitasun fisikoa, psikologikoa, emozionala… Egun honen helburua gizartean aniztasuna sustatzea eta pertsona hauek beste edonork dituen aukera berdinak dituela bermatzea da. 2020ko kanpaiaren lema “guztiontzako egun bat “ da. Aniztasuna, gizartean oso garrantzitsua den zerbait da. Edonork noizbait ezgaitasuna sufritu ahal du bere bizitzako momenturen batean, eta hurbiletik ukitu ahal gaituen zerbait da ezgaitasuna, beraz, ezgaitasuna sufritzen duten pertsonen integrazioa eta aukera berdintasuna lantzea ezin bestekoa da gizartean. 2030ko kanpaina “inork atzean geratu ez dezan” helburu hau bilatzen du eta honen garrantzia ukaezina da munduan zein gizartean. Ikastolatik gure elkartasun adierazpena egin nahi dugu egun honekin, izan ere egunero lantzen dugun gaia da hau eta ikastolako e

Euskararen eguna

Irudia
 Euskararen eguna Abenduaren 3an, Euskararen Nazioarteko Eguna da. Ikastolan egun garrantzitsua, benetan. Horregaitik, ba, geure-geurea dan hizkuntza indartzeak eta erabiltzeak dauan garrantzia azpimarratu gura dogu. Izan be, egun honen helburu nagusia euskara sustatzean eta erabileran datza, euskera jakin eta egunero erabiltzen dabenen artean alde handia dago. Euskararen Eguna Frantzisko Xabierkoaren egunean, hau da, abenduaren 3an ospatzen da 1995etik. Antza, honek hil orduko esandako azken hitzak euskeraz izan ziranez, egun horretan da Euskararen Eguna. Euskaraldia bezalako hainbat jarduerak, euskara indartu eta gizartearen partehartzea sustatzen dabe. Euskara, kulturaren atal garrantzitsua da baita izakeraren oinarri be, beraz, erabili daigun euskera! Euskara baita euskaldun egiten gaituena. Día del Euskera El día 3 de diciembre se celebra el día mundial del euskera. Este día es de gran importancia para la ikastola, El euskera es nuestro idioma y valoramos con gran importancia la n

Geldiezinak gara!!!

Irudia
https://www.youtube.com/watch?v=WA4dDs0T7sM Geldiezinak  gara Mundua aldakorra da eta gure esku dago aldatzea. Gaur, zemendiaren 25a, Emakumeen aurkako Indarkeria desagerrarazteko Nazioarteko Eguna izanik, oso mezua argia dogu: “ mundua aldatu nahi dugu,, emakumeen aurkako indarkeriari aurre eginez, lortu egingo dogu”.     Gizartean dagoan arazo honi gogo biziz aurre egiten badeutsogu, gailendu eta aurrera ataratzea lortuko dogu. Gizartea batzen danean eta zerbaiten alde   borrokatzen danean, garaile atarako da, GELDIEZINAK GARA!  Hori guztia azalarazteko, hurrengo bideoa ikusi eta ondoren horretaz hausnartzea proposatzen deutsuegu. Bideo honek, gure indarrari eta gaitasunari inork ezin izango deutsola aurre egin erakutsiko deusku. Guztiok batera indartsuagoak garelako eta mundua aldatzeko gai garelako, indarkeria kasuak dagozan bitartean, Ikastolatik emakumeen aurkako indarkeriari aurre egin eta honen aurka egongo garelako. Egunero da Emakumeen aurkako Indarkeriaren Eguna,